პოლონეთის რესპუბლიკის საგარეო საქმეთა მინისტრი გჟეგოჟ სხეტინა თავის ქართველ კოლეგას, გიორგი კვირიკაშვილს საგარეო საქმეთა მინისტრის თანამდებობაზე დანიშვნას ულოცავს და იმედს გამოთქვამს, რომ პოლონეთსა და საქართველოს შორის არსებული ურთიერთობები კვლავაც განვითარდება და გაღრმავდება.
„მინდა დაგარწმუნოთ, ბატონო მინისტრო, რომ პოლონეთი ყოველთვის დაუჭერს მხარს საქართველოს ევროპულ და ევროატლანტიკურ სტრუქტურებში გაწევრიანებისკენ სწრაფვას“ - ნათქვამია პოლონეთის საგარეო საქმეთა მინისტრის წერილში.
საქართველოს საგარეო უწყების ცნობით, გჟეგოჟ სხეტინა წერილში ადასტურებს პოლონეთის მთავრობის უპირობო პატივისცემას საქართველოს სუვერენიტეტისა და ტერიტორიული მთლიანობის მიმართ.
