პარლამენტში საპოლიციო გამოსახლების აკრძალვასთან დაკავშირებით მსჯელობენ. აღნიშნულ საკითხთან დაკავშირებით ინიცირებულ კანონპროექტს დახურულ შეხვედრაზე განიხილავენ.
საკანონმდებლო ცვლილების თანახმად, რომელიც პარლამენტმა პირველი მოსმენით უკვე მიიღო, უძრავი ქონებიდან პირის გამოსახლება ე.წ. საპოლიციო გამოსახლების წესით ვერ მოხდება და ამის განხორციელება მხოლოდ სასამართლოს თანხმობით იქნება შესაძლებელი. აღნიშნულ საკანონმდებლო პროექტს საბანკო სექტორი აპროტესტებს.
პარლამენტში მიმდინარე შეხვედრაში საბანკო და მიკროსაფინანსო ორგანიზაციების, არასამთავრობო სექტორის, სახალხო დამცველის აპარატის წარმომადგენლები, დეპუტატები და მთავრობის წევრები მონაწილეობენ.
