საგარეჯოში შუალედურ არჩევნებში დამოუკიდებლად მონაწილეობის სურვილის მქონე გიორგი დავითაია, კონკურენტნების მხრიდან სავარაუდო წინააღმდეგობის ფაქტებზეც საუბრობს.
,,ჩემს წინასაარჩევნო შტაბში შემოიჭრა ქალი, რომელმაც ყვირილით, მუქარით, წყევლა-კრულვით დაერია შტაბის წევრებს. გვიწოდა ,,ნაციონალების” აგენტები, ანტიქრისტეები და სხვა ათასი სისულელე. ასევე, ჩემს მძღოლს, რომელიც მანქანაში შვილთან ერთად იმყოფებოდა, საეჭვო ვითარებაში მანქანა დაეჯახა, რომელსაც რუსულ ენაზე მოლაპარაკე კაცი მართავდა. პატრულის გამოძახების შემდეგ ის სამართალდამცავებს გააფთრებულ წიანაღმდეგობას უწევდა და ეუბნებოდა, რომ იგი რუსეთში ცხოვრობდა და აქაური წესები არ აინტერესებდა. საბოლოოდ, ევაკუატორებით წაიღეს დამტვრეული მანქანები და საქმე სასამართლოს გადაეცა. ხელს ვერავის დავადებ, მაგრამ „პატრიოტთა ალიანსის“ მხარდამჭერების მხრიდან ჩემი მისამართით ლანძღვა და მუქარა გახშირდა”, _განაცხადა ,,ჯი-ეიჩ-ენთან” საუბარში გიორგი დავითაიამ და აღნიშნა, რომ ხელმოწერების შეგროვებას ხვალ საღამოს დაა სრულებს და ოფიციალურად დარეგისტრირდება.
შეგახსენებთ, რომ 31 ოქტომბერს საგარეჯოსა და მარტვილში შუალედური არჩევნები გაიმართება. არჩევნებს ბოიკოტს უცხადებს პოლიტიკური პარტიების უმრავლესობა. ცესკოს მონაცემებით, არჩევნებში მონაწილეობას ,,ქართული ოცონება” და ,,პატრიოტთა ალიანსი” გეგმავს. ცენტრალურ საარჩევნო კომისიაში რეგისტრაცია გაიარა ,,ნაცმოძრაობამაც” თუმცა ისინი შუალედურ არჩევნებში მონაწილეობას არ გეგმავენ. როგორც საპარლამენტო უმცირესობაში განმარტავენ, პარტია შუალედურ არჩევნებში მხოლოდ იმ მიზნით დარეგისტრირდა რათა გამოიყენოს კანონით მინიჭებული უფასო საეთერო დრო და საზოგადოებას კარგად გააცნოს არჩევნებისათვის ბოიკოტის გამოცხადების მიზეზები.
