ჩინეთში ვიზიტამდე, საქართველოს დელეგაცია ბიშკეკში ჩავიდა.
საქართველოს მთავრობის ადმინისტრაციის პრესსამსახურის ინფორმაციით, ბიშკეკის საერთაშორისო აეროპორტში საქართველოს პრემიერ-მინისტრ ირაკლი ღარიბაშვილს ყირგიზეთის საგარეო საქმეთა მინისტრი ერლან აბდილდაევი დახვდა.
მხარეებმა საქართველოსა და ყირგიზეთს შორის ურთიერთობების საკითხები განიხილეს და ეკონომიკური თანამშრომლობის გაღრმავების პერსპექტივები დასახეს.
