ცეკოს იურიდიული დეპარტამენტის ხელმძღვანელის არჩილ ანასაშვილის განცხადებით, ნებისმიერ პარტიას საარჩევნო რეგისტრაციის გავლის შემდეგ, უფლება აქვს ჩაერთოს წინასაარჩევნო კამპანიაში. შესაბამისად, მოქმედი კანონმდებლობით, ,,ნაციონალური მოძრაობა” არ დაარღვევს კანონს თუ მაჟორიტარი კანდიდატის დასახელების გარეშე საარჩევნო აგიტაციაში აქტიურად ჩაერთვება.
,,პარტიას საარჩევნო რეგისტრაციის გავლის შემდეგ, უფლება აქვს ჩაერთოს საარჩევნო პროცედურაში. ანუ ყველა იმ პროცესში, რომელსაც კანონმდებლობა არჩევნებში მონაწილეობისთვის ითვალისწინებს. თქვენ იცით, რომ საარჩევნო აგიტაცია და კამპანია იწყება არჩევნების დანიშვნისთანავე და შესაბამისად პარტიას კანონის მოთხოვნის შესაბამისად უფლება აქვს წინასაარჩევნო კამპანია აწარმოოს”, -აცხადებს ,,ჯი-ეიჩ-ენთან” საუბარში ანასაშვილი.
მისვე თქმით, პოლიტიკურ პარტიებს 1-ელი ოქტომბრის ექვს საათამდე აქვთ დრო ცესკო-ში წარადგინონ მაჟორიტარი კანიდატების სია.
,,1-ელი ოქტომბრის საღამოს 18:00 საათამდე ყველა პარტიას აქვს ვადა, წარადგინოს მაჟორიტარი კანდიდატი. ცესკოს მხოლოდ ამის შემდეგ შეეძლება თქმა, რომელმა პარტიამ წარადგინა, ან არ წარადგინა კანდიდატები. მოქმედი კანონმდებლობის მიხედვით, კადიდატის წარდგენა, არ წარდგენა არ განსაზღვრავს საარჩევნო კამპანიის შეზღუდვას. თუ პარტია რეგისტრირებულია, მას უფლება აქვს აწარმოოს სააგიტაციო კამპანია”, _განაცხადა ანასაშვილმა.
ცეკოს იურიდიული დეპარტამენტის ხელმძღვანელის განმარტებით, თუ რომელიმე პარტიამ დადგენილ ვადებში მაჟორიტარობის კანდიდატები ვერ წარადგინა, მოქმედი კანონმდებლობა შუალედური არჩევნებისთვის რეგისტრაციის გაუქმებას არ ითვალისწინებს.
,,თუ 1-ელ ოქტომბრამდე, რომელიმე პარტიამ კანდიდატი არ წარადგინა, მოქმედი კანონმდებლობა შუალედური არჩეებისთვის რეგისტრაციის გაუქმებას არ ითვალისწინებს”, _აცხადებს არჩილ ანასაშვილი.
შეგახსენებთ, რომ ,,ნაცმოძრაობამ” გამოცხადებული ბოიკოტის მიუხედავად, 31 ოქტომბეს დაგეგმილი შუალედური არჩევნებისთვის რეგისტრაცია გაიარა. როგორც საპრლამენტო უმცირესობაში განმარტავენ, პარტია შუალედურ არჩვნებში მხოლო იმ მიზნით გაიარა, რათა გამოიყენოს კანონით მინიჭებული უფასო საეთერო დრო და საზოგადოებას კარგად გააცნოს არჩევნებისათვის ბოიკოტის გამოცხადების მიზეზები.
