გლობალური საინვესტიციო ფონდი Intel Capital-ი კომპანია Yuneec Holding Ltd-ში, 60 მლნ დოლარზე მეტი კაპიტალის ინვესტირებას მოახდენს. აღნიშნული თანხა კი მთლიანად ე.წ. ”ჭკვიანი” დრონების შექმნისკენ იქნება მიმართული.
ორივე კომპანიის ხელმძღვანელების მხრიდან, ერთობლივი პროექტის განხორციელებაზე ოფიციალური კომენტარები უკვე გაკეთდა. მათი განმარტებით, უპილოტო საფრენი აპარატები, ადამიანთა ცხოვრებას უფრო საინტერესო და მარტივს გახდის.
Intel-ის ტექნოლოგიების დახმარებით, Yuneec-ის ”ჭკვიანი” დრონები” უფრო მეტ ფუნქციას შეიძენს.
შეგახსენებთ, რომ კომპანია Yuneec-ი 1999 წელს ჰონკონგში დაფუძნდა და ამ დროისათვის 1800 თანამშრომელს აერთიანებს.
2014 წელს კომპანიამ Yuneec-მა პირველად მსოფლიოში, ყველაზე სრულყოფილი დრონის Q500-ის წარმოდგენა შეძლო, ხოლო 2015 წელს კი ბაზარზე 4K-ი წარმოადგინა.
