აჭარის მთავრობამ ქობულეთში, კაიკაციშვილის ქუჩა N1-ში მდებარე 3802 კვ/მ არასასოფლო-სამეურნეო დანიშნულების მიწის პრივატიზების გადაწყვეტილება მიიღო. აღნიშნულ ტერიტორიაზე განთავსებული ანგარის
ტიპის შენობა-ნაგებობა, რომლის პრივატიზების მოთხოვნით აჭარის ფინანსთა და ეკონომიკის სამინისტროს ინვესტორმა უკვე მიმართა.
აჭარის ფინანსთა და ეკონომიკის სამინისტროში აცხადებენ, რომ ანგარი დროთა განმავლობაში დაზიანდა, ასევე დაფიქსირებულია გაძარცვის ფაქტები. ქონების ღირებულება კი დროთა განმავლობაში მცირდება.
როგორც სამინისტროში აცხადებენ, კაიკაციშვილის
ქუჩა N1-ში მდებარე მიწის ნაკვეთზე განთავსებული ანგარის
დემონტაჟის შედეგად შესაძლებელია მიღებული ქნას სასარგებლო ნარჩენების სახით მეორადი შავი ლითონის ჯართი, დაახლოებით 2 ტონა და მეორადი ფერადი ლითონის ჯართი, დაახლოებით 400 კგ, ღირებულებით 1240 ლარი.
”ეს ის ქონებაა, რომლის მოვლა-პატრონობა საკმაოდ ძვირი ჯდება. არის ფაქტები, როდესაც მოსახლეობის მხრიდან ხდება მისი დატაცება და უკანონოდ განკარგვა. შესაბამისად მივიღეთ გადაწყვეტილება, რომ ყველა ასეთი ფაქტი უკანონო დატაცებებთან დაკავშირებით, შევატყობინოთ შესაბამის სამსახურებს. შესაბამისად ჩვენ ამ ქონებებს გავიტანთ აუქციონზე და გავასხვისებთ, ვინაიდან არსებობს დაინტერესებული ადამიანები, მათ შეძენასთან დაკავშირებით, რომლებიც შემდგომ მას თავიანთი ბიზნესსაქმიანობისთვის გამოიყენებენ”, აღნიშნა აჭარის ფინანსთა და ეკონომიკის მინისტრმა დავით ბალაძემ.
