ნავთობის ფასი მიმდინარე კვირის განმავლობაში არაერთგვაროვნად იცვლებოდა. ნავთობი ფასის ცვლილებასთან დაკავშირებით ანალიზი ნავთობპროდუქტების მწარმოებელთა, მომხმარებელთა და იმპორტიორთა კავშირმა გამაოქვეყნდა.
მათი ინფორმაციით, წინა კვირასთან შედარებით, მიმდინარე კვირაში ფასი უმნიშვნელოდ გაიზარდა, მაგრამ ბოლო 1 თვის საშუალო მაჩვენებელთან შედარებით, ფაქტიურად უცვლელია.
ლონდონის InterContinental Exchange Futures-ზე - Brent ტიპის ნავთობის ფასმა 26 აპრილს - ბარელზე 86,83 აშშ დოლარი; 27 აპრილს - 85,78 აშშ დოლარი/ბარელზე; 28 აპრილი - 86,16 აშშ დოლარი/ბარელზე; 29 აპრილს კი - 86,90 დოლარი/ბარელზე შეადგინა.
ნიუ-იორკში New York Mercantile Exchangeე-ზე (NYMEX) - Light Sweetl ტიპის ნავთობის ფასმა 26 აპრილს - 84,20 აშშ დოლარი/ბარელზე; 27 აპრილს - 82,44 აშშ დოლარი/ბარელზე; 28 აპრილს - 83,22 აშშ დოლარი/ბარელზე; 29 აპრილს - 85,17 აშშ დოლარი/ბარელზე.
რაც შეეხება საერთაშორისო ფასებს ნავთობპროდუქტებზე "PLATT"S"--ის მიხედვით, რომლითაც ხორციელდება საქართველოში ნავთობპროდუქტების იმპორტი, ბენზინის ფასმა 26 აპრილს ტონაზე 788 აშშ დოლარი შეადგინა; 27 აპრილს - 783 აშშ დოლარი; 28 აპრილს - 774,25 აშშ დოლარი; ხოლო 29 აპრილს - 787,25 აშშ დოლარი.
ტონა დიზელის ფასი 26 აპრილს 712 აშშ დოლარზე დაფიქსირდა, 27 აპრილს - 710,50 აშშ დოლარი; 28 აპრილს - 699,25 დოლარი; 29 აპრილს - 718,75 დოლარი.
შესაბამისად, ბენზინის და დიზელის საერთაშორისო ფასი გასულ კვირასთან შედარებით უმნიშვნელოდ გაიზარდა.
