"ეროვნული საბჭოს" ლიდერის ზურაბ ნოღაიდელის თქმით, არჩევნების ლეგიტიმურობასთან დაკავშირებით საერთაშორისო სადამკვირვებლო მისიების დასკვნა მისთვის "ყველაზე მნიშვნელოვანი" არ იქნება.
"საერთაშორისო სადამკვირვებლო მისიების მიერ შედგენილი დოკუმენტი ჩემთვის სულაც არ იქნება ყველაზე მნიშვნელოვანი. ჩემთვის ყველაზე მთავარია ჩვენი საზოგადოების განწყობა. თუ არჩევნები არ გაყალბდება, ეს განწყობა იქნება ადეკვატური. თუ გაყალბდება, მაშინ საზოგადოებას ამის შესახებ ეცოდინება და იმოქმდებებს კიდეც", - აცხადებს ნოღაიდელი.
მისივე განმარტებით, დარღვევები წინასაარჩევნო პერიოდშიც ვლინდება, რაც მის მოძრაობას დოკუმენტურად აქვს დადასტურებული. აღნიშნულ კონტექსტში, ქვეყნის მთავრობის ყოფილი ხელმძღვანელი ეჭვობს, რომ ხელისუფლების მხრიდან გაყალბების მცდელობა უშუალოდ 30 მაისსაც დაფიქსირდება.
