საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე ირინა მილორავა ენერგოკომპანიების არგუმენტებს ტარიფების ზრდასთან დაკავშირებით ასაჯაროებს. როგორც მან „იმედის კვირაში“ განაცხადა, მოთხოვნა ტარიფების ზრდაზე განპირობებულია 2 მიზეზით: ვალუტის კურსით და ელექტროენერგიის მოხმარების ზრდით.
„ენერგოკომპანიებმა კომისიაში სატარიფო განაცხადი შემოიტანეს 2015 წლის აპრილის თვეში. ძირითადი არგუმენტი, რისთვისაც მათ მოითხოვეს ტარიფის გაზრდა, გახლდათ სწორედ ვალუტის კურსის ცვლილება. გარდა ამისა, მეორე კომპონენტი, რომელიც ასევე მნიშვნელოვანია, იყო მოხმარების ზრდა. ენერგო პრო ჯორჯიას შემთხვევაში მოხმარება გაზრდილია დაახლოებით 6%, ზოგადად ქვეყანაში მოხმარების ზრდა არის 5% და გაზრდილი მოხმარების დაფარვა ხდება ძვირიანი რესურსის ხარჯზე“, - განაცხადა ირინა მილორავამ.
