სახელმწიფო უსაფრთხოების სამსახურის უფროსის თანამდებობაზე წარდგენილ ვახტანგ გომელაურს დღეს პარლამენტში მოუსმენენ. სიტყვით ის ადამიანის უფლებათა დაცვისა და სამოქალაქო ინტეგრაციის და თავდაცვისა და უშიშროების კომიტეტების გაერთიანებულ სხდომაზე გამოვა. გომელაური სახელმწიფო უსაფრთხოების სამსახურის ხელმძღვანელის პოსტზე პრემიერ-მინისტრმა ირაკლი ღარიბაშვილმა წარადგინა და მისი კანდიდატურა, კანონის შესაბამისად, პარლამენტმა უნდა მოიწონოს. ვახტანგ გომელაურს ახალ პოსტზე პარლამენტი სავარაუდოდ მიმდინარე კვირას დაამტკიცებს.
