აზერბაიჯანი თურქეთის შემდეგ საქართველოს უმსხვილეს სავაჭრო პარტნიორთა რიგებში მეორე ადგილს იკავებს.
სტატისტიკის ეროვნული სამსახურის ინფორმაციით, აზრბეიჯანთან სავაჭრო ბრუნვა მიმდინარე წლის იანვარ-მარტში 136 609 700 აშშ დოლარს შეადგენს, აქედან ექსპორტი 46 157 100 აშშ დოლარია, ხოლო იმპორტი - 90 452 600 აშშ დოლარი.
აზერბაიჯანში საქართველოდან უმსხვილესი საექსპორტო საქონელი მსუბუქი ავტომობილია. იანვარ-მარტში, აზერბაიჯანში საქართველოდან 21 877 400 აშშ დოლარი ღირებულების მსუბუქი ავტომანქანების ექსპორტი განხორციელდა, ხოლო 4 068 000 აშშ დოლარის ღირებულები ცოცხალი მსხვილფეხა რქოსანი პირუტყვის.
რაც შეეხება იმპორტს, იანვარ-მარტში 49 386 800 აშშ დოლარის ღირებულების ნავთობისა და ნავთობპროდუქტების იმპორტი განხორციელდა, ხოლო 30 08 000 აშშ დოლარის ღირებულების - ნავთობის აირებისა და აირისებრი ნახშირწყალბადების იმპორტი.
