შს მინისტრის მოადგილის არჩილ თალაკვაძის განმარტებით, ძალოვანი უწყება თანმიმდევრულია ვიზალიბერალიზაციის გეგმის შესრულებაში. ამის შესახებ, თალაკვაძემ ჟურნალისტებთან საგარეო უწყებაში განაცხადა, სადაც საქართველოსა და ევროკავშირს შორის სავიზო რეჟიმის ლიბერალიზაციის სამოქმედო გეგმის იმპლემენტაციის საკითხებზე არასამთავრობო ორგანიზაციებთან შეხვედრა გაიმართა.
,,ჩვენ გვქონდა კიდევ ერთი შეხვედრა საგარეო საქმეთა სამინისტროს და საგარეო საქმეთა მინისტრის ინიციატივით სამოქალაქო საზოგადოებასთან. სხვადასხვა უწყებებმა წარვადგინეთ სამუშაო, რომელიც რიგის სამიტის მერე არის გაწეული ვიზალიბერალიზაციის სამოქმედო გეგმის შესრულების თვალსაზრისით. შინაგან საქმეთა სამინისტრო ძალიან თავდაჯერებული და თანმიმდევრული ტემპით მიდის ამ გეგმის შესრულებაში და შემდეგი მისია, რომელიც ჩამოვა სექტემბერში, შეაფასებს იმ საქმეს, რომელსაც ჩვენ ნამდვილად მოვასწრებთ ამ დროისთვის", -განაცხადა არჩილ თალაკვაძემ.
