მთაწმინდის რაიონის მაჟორიტარი დეპუტატი ჯაბა ჯიშკარიანი, რაიონის გამგებელთან - გელა არჩვაძესთან, გამგებლის მოადგილესთან - ბადრი ხვადაგიანთან და სამაჟორიტარო ბიუროს წარმომადგენლებთან ერთად, ვახტანგ კოტეტიშვილის ქუჩის მოსახლეობას შეხვდა და მათ პრობლემებს ადგილზე გაეცნო.
დეპუტატმა და გამგებელმა პირველი ქართველი ოლიმპიური ჩემპიონის, მოჭიდავის დავით (ამურა) ციმაკურიძის საცხოვრებელი სახლი მოინახულეს, რომელიც დაზიანებულია და გამაგრებას საჭიროებს. გარდა ამისა, იმყოფებოდნენ კოტეტიშვილის ქუჩის N6-ში, კოტეტიშვილის შესახვევის N6-ში, N8-ში მდებარე საცხოვრებელ სახლებში.
ჯაბა ჯიშკარიანი და გელა არჩვაძე დეტალურად გაეცვნენ ავარიული სახლებისა და ძველი სანიაღვრე სისტემების მდგომარეობას და მოსახლეობას, კომპეტენციის ფარგლებში, უმოკლეს ვადაში დახმარებას დაჰპირდნენ.
„ჩემს სამაჟორიტარო რაიონში მოსახლეობასთან კომუნიკაცია გრძელდება. ინტენსიურ რეჟიმში ვხვდებით მათ და პრობლემებს ადგილზე ვეცნობით. ვშუამდგომლობთ მოქალაქეებს არა მხოლოდ გამგეობასთან, არამედ სხვა სახელმწიფო უწყებებთან. ამ შემთხვევაშიც, მოსახლეობის პრობლემები, იქნება ეს სანიაღვრე სისტემების გაწმენდა, სახურავის შეკეთება თუ დაზიანებული სახლების გამაგრება, ყურადღებისა და რეაგირების გარეშე არ დარჩება“, - განაცხადა მთაწმინდის რაიონის მაჟორიტარმა დეპუტატმა ჯაბა ჯიშკარიანმა.
