პარლამენტის თავმჯდომარის განცხადებით, „ეროვნული ბანკის შესახებ“ კანონში შესატანი ცვლილებების პროექტი მეორე მოსმენით განხილვისთვის მზად არის. როგორც პარლამენტის ბიუროს სხდომაზე უსუფაშვილმა განაცხადა, მიუხედავდად იმისა, რომ კომიტეტმა კანონპორექტზე მუშაობა მეორე მოსმენით გასული კვირის ხუთშაბათს დაასრულა, რიგგარეშე სხდომაზე საკითხის განხილვა რამდენიმე დღით გადაიდო, რათა ყველას ჰქონოდა საშუალება, საკითხში გარკვეულიყო.
,,ამ დღეების განმავლობაში იყო ძალიან ინტენსიური კონსულტაციები სავალუტო ფონდთან, სხვებთანაც. ჩემი ინფორმაციით მათი შენიშვნების და მათ მიერ დასმული საკითხების უდიდესი უმრავლესობა არის გათვალისწინებული და ასახული წარმოდგენილ კანონპროექტში. აგრეთვე არის რამოდენიმე მნიშვნელოვანი საკითხი, რომელზეც პარლამენტის წევრებს, კომიტეტებს ქონდათ კონსულტაციები და შესაძლოა დღეს პლენარული სხდომის განმავლობაში დაისვას ეს საკითხები და აისახოს კანონპროექტში. ასე, რომ მეორე მოსმენისთვის პროექტი მზად არის" - აღნიშნა უსუფასვილმა.
