საქართველოს ყოფილი პრეზიდენტი იმ მიზეზებზე საუბრობს, რის გამოც საქართველოში ცამოსვლას არ აპირებს. ვრცელი ინტერვიუ მიხეილ სააკაშვილმა ტელეკომპანია BBC-ის მისცა. „არსებობს ეუთოს დასკვნა საქართველოში არსებულ საქმეებზე, სადაც ნათქვამია, რომ სერიოზული დარღვევებია წინასწარი დაკავების საკითხებთან დაკავშირებით. ჩემი მთავრობის ზოგიერთი წევრი უკვე წელიწადნახევარია ციხეშია, როდესაც საქართველოს კანონმდებლობით წინასწარი დაკავების მაქსიმალური ვადა 9 თვეა. მეტი საქმე არ მაქვს, დრო დავკარგო და ციხეში ვიჯდე გაზპრომის ყველაზე მსხვილი აქციონერის, რუსი ოლიგარქის ბიძინა ივანიშვილის კაპრიზის გამო, რომელიც საქართველოში იმ მიზნით ჩამოვიდა, რომ გავესამართლებინეთ,“-განაცხადა სააკაშვილმა.
