პროვოკაციული და უპასუხისმგებლო – ასე აფასებს პრემიერ-მინისტრის სპეციალური წარმოამდგენელი რუსეთთან ურთიერთობის საკითხებში ე.წ. საზღვრის აღმნიშვნელი ბანერების გადმოწევას. ზურაბ აბაშიძე საკითხს დღეს გრიგორი კარასინთან შეხვედრაზე დააყენებს, რომელიც თბილისის დროით 12 საათზე დაიწყება. პრემიერის წარმომადგენელი აცხადებს, რომ ასეთ ვითარებაში საქართველოს ბერკეტი დიპლომატია და საერთაშორისო თანამეგობრობის ინფორმირებაა. ასევე ცნობილია, რომ შეხვედრაზე საუბარი რუსეთში ჯაშუშობის ბრალდებით დაკავებული პირების გადმოცემის საკითხსაც შეეხება.
