,,თავისუფალი დემოკრატების” ლიდერი ირაკლი ალასანია საფრანგეთის მოსახლეობას ეროვნულ დღესასწაულს ულოცავს. როგორც ალასანია აცხადებს, საფრანგეთი პირველი ქვეყანა იყო,   რომელმაც იარაღის მიყიდვასთან დაკავშირებით, საქართველოს მიმართ არსებული ემბარგო უგულებელყო და მოლაპარაკებათა მაგიდასთან დაჯდა.

,,მინდა ,,თავისუფალი დემოკრატების“ სახელით ეროვნული დღესასწაული მივულოცო ფრანგ ხალხს. 226 წლის წინ, ბასტილიის დაცემა, ისტორიულ ეტაპად და დემოკრატიული ღირებულებების დამკვიდრების წინაპირობად იქცა. ეს ის ღირებულებებია, რომელთა დამკვიდრებისკენ მივისწრაფვით ჩვენც, როგორ ევროპის განუყოფელი ნაწილი. მინდა მადლობა გადავუხადო ფრანგ ხალხს და პოლიტიკოსებს, საქართველოსთვის მეტად რთულ მომენტებში თანადგომისთვის. საფრანგეთი იყო პირველი ქვეყანა, რომელმაც იარაღის მიყიდვასთან დაკავშირებით საქართველოს მიმართ არსებული ემბარგო უგულებელყო, მოლაპარაკებათა მაგიდასთან დაჯდა და პრინციპული გადაწყვეტილება მიიღო. ჩვენ, თქვენთან ერთად, საერთო ევროპული მომავალი გვაქვს!”, _აცხადებს ირაკლი ალასანია