უკრაინის პრეზიდენტმა სამხედრო-საჰაერო ძალების მეთაური გადააყენა. შესაბამის გადაწყვეტილებას ხელი პეტრო პოროშენკომ გვიან ღამით მოაწერა. ოფიციალური ვერსიით, იური ბაიდაკის გადაყენების მიზეზი მისი ჯანმრთელობის მდგომარეობა გახდა. პრეზიდენტის განკარგულებითვე თანამდებობა დატოვეს უკრაინის ელჩმა სომხეთში ივან კუხტამ და უკრაინის საპატიო კონსულმა თურქეთში ლევენ ტადინმა. ამ უკანასკნელს ერთ-ერთ ღონისძიებაზე პუტინის გამოსახულებიანი მაისური ეცვა, რის გამოც კიევთან ურთიერთობა გაურთულდა.
