საქართველოსა და ევროპის საბჭოს პრეზიდენტებს შორის სატელეფონო საუბარი შედგა.
საქართველოს პრეზიდენტის ადმინისტრაციის ინფორმაციით, დონალდ ტუსკმა სინანული გამოთქვა საქართველოში დაგეგმილი ვიზიტის გადადების გამო, რისი მიზეზიც საბერძნეთის კრიზისი გახდა.
გიორგი მარგველაშვილთან საუბრისას, დონალდ ტუსკმა მზადყოფნა გამოთქვა, საქართველოს ახლო მომავალში ეწვიოს.
ლიდერებმა იმედი გამოთქვეს, რომ ორივე მხარე აქტიურად იმუშავებს აღნიშულ საკითხზე.
ევროპის საბჭოს პრეზიდენტის ვიზიტი საქართველოში 14-16 ივლისს იყო დაგეგმილი.
