14 -15 ივლისს საქართველოში ევროპული საბჭოს პრეზიდენტს დონალდ ტუსკს ელოდებიან. როგორც პრეზიდენტის მრჩეველმა საგარეო ურთიერთობათა საკითხებში თენგიზ ფხალაძემ განაცხადა, ტუსკის ვიზიტს დიდი მნიშვენლობა აქვს მითუმეტეს იმ ფონზე, როცა რამდენიმე დღის წინ საოკუპაციო ზოლის კიდევ ერთხელ გადმოწევა მოხდა.
,,14-15 ივლისს საქართველოში განხორციელდება ევროპული საბჭოს პრეზიდენტის, ბატონი დონალდ ტუსკის ვიზიტი, რომელიც მისთვის ამ რანგში პირველია. ამ ვიზიტს უაღრესად დიდი მნიშვნელობა აქვს, მით უმეტეს რუსეთის ფედერაციის იმ ქმედებების ფონზე, რომელიც განხორციელდა ორი დღის წინ - მხედველობაში მაქვს საოკუპაციო ზოლის კიდევ ერთხელ გადმოწევა. არაერთხელ განგვიცხადებია, რომ საქართველოს პრეზიდენტის ყველა საერთაშორისო შეხვედრა იწყება სწორედ ამ თემატიკით. ბუნებრივია, რომ ოკუპირებულ ტერიტორიებზე შექმნილი ვითარება და რუსეთის მიერ განხორციელებული კიდევ ერთი პროვოკაცია ევროპული საბჭოს პრეზიდენტთან შეხვედრისას ერთ-ერთი მთავარი თემა იქნება", - განაცხადა თენგიზ ფხალაძემ.
ფხალაძის განმარტებით ტუსკის საქართველოში ვიზიტი ბათუმში დაიწყება და ამის თბილისში გაგრძელდება. როგორც ფხალაძემ ჟურნალისტებთან განმარტა შეხვედრები გაიმართება, როგორც საკანონმდებლო, ისე და აღმასრულებელ ხელისუფლების წარმომადგენლებთ, ასევე პოლიტიკურ პარტიებთან.
დაგეგმილია ტუსკის შეხვედრა ცენტრალური აფრიკის რესპუბლიკაში ევროკავშირის მისიის ეგიდით საქართველოს სამშვიდობო კონტიგენტთანაც.
