პრემიერ-მინისტრმა ირაკლი ღარიბაშვილმა მოქმედი ხელისუფლების მთავარი პოსტულატები დაასახელა. როგორც მთავრობის მეთაურმა „2030“-ის პირდაპირ ეთერში განაცხადა, სამართლიანობის, კანონისადმი პატივისცემის და ადამიანურობის პრინციპი ქართულ პოლიტიკაში ბიძინა ივანიშვილმა შემოიტანა.
„ჩვენი მთავარი პრინციპები, რაც შემოიტანა და დაამკვიდრა პოლიტიკაში ჩვენი კოალიციის დამფუძნებელმა ბატონმა ივანიშვილმა, არის სწორედ სამართლიანობა, კანონისადმი პატივისცემა და ადამიანურობა, რაც ჩვენთვის გახდა, არის და იქნება ყოველთვის სამაგალითო და სახელმძღვანელო, სანამ ვიქნებით ხელისუფლებაში და შემდეგაც“, - განაცხადა პრემიერ-მინისტრმა.
