დეპუტატები „ოჯახური მდგომარეობის“ მიზეზით სხდომებს ვეღარ გააცდენენ. საპატიოდ მხოლოდ მივლინება და ავადმყოფობა ჩაითვლება. ცვლილება პარლამენტის რეგლამენტში შედის, რომელსაც პარლამენტი დღეს განხილავს. თემა აქტუალური მას შემდეგ გახდა, რაც პარლამენტის სხდომა ქვორუმის არარსებობის გამო რამდენჯერმე ჩაიშალა. რეგლამენტში გაწერილია, რომ დეპუტატს არასაპატიო მიზეზით თვეში მხოლოდ ერთი სხდომის გაცდენის უფლება ექნება, მეორე გაცდენის შემთხვევაში კი ხელფასის 10 პროცენტი ჩამოეჭრება. გამცდენი დეპუტატების სია ყოველთვიურად პლენარულ სხდომაზე გამოცხადდება.
