მისი თქმით, ამ ეტაპზე არამხოლოდ მიმდინარე წლის პირველი კვარტლის, არამედ გასული წლის ეკონომიკური მონაცემებიც არ არის საბოლოოდ ცნობილი.

~ინფორმაცია, რომელიც პრემიერ-მინისტრს აქვს, უფრო მეტია, ვიდრე მე მაქვს ან ნებისმიერ სხვას. სასიხარულია, რომ დადებითი ტენდენციები შეინიშნება, მაგრამ 5 პროცენტიანი ეკონომიკური ზრდის მოლოდინი ჩემი აზრით, ცოტა არარეალისტურია~, - განაცხადა ნოდარ ხადურმა.

მისი თქმით, საუბარი წელს ეკონომიკის 2-3 პროცენტით ზრდაზე შეიძლება, თუმცა, ჯერ კიდევ ბევრი რამ არის გაურკვეველი.

~ჯერ მხოლოდ 4 თვე სრულდება. გარკვეული პერიოდია საჭირო, რომ მეტი ინფორმაცია მივიღოთ და უფრო სერიოზული პროგნოზის საშუალება გვქონდეს~, - განაცხადა ხადურმა.

ამასთან, მისი თქმით, ტენდენციები, რომლებიც საქართველოს ეკონომიკაში ჩამოყალიბდება განყენებული არ არის და ბევრადაა დამოკიდებული მსოფლიოში მიმდინარე პროცესებზე, მაგალითად ნავთობის ფასებზე და ა.შ

გასულ კვირაში, პრემიერ-მინისტმა ნიკა გილაურმა განაცხადა, რომ ეკონომიკა წელს შესაძლოა, ნაცვლად პროგნოზირებული 2 პროცენტისა, 3-5 პროცენტით გაიზარდოს.

მისი განმარტებით, აღნიშნული პროგნოზის შესაძლებლობას პირველი კარტლის ეკონომიკური შედეგები იძლევა.