ასოციაციის ინფორმაციით, საქართველოში სულ 65 ფარმაცევტული წარმოებაა რეგისტრირებული. მათ შორის მსხვილი მწარმოებლების მიერ ბაზარი შემდეგნაირადაა გადანაწილებული - `ავერსი რაციონალი~ - 59,9 პროცენტი; GMP- 29,9 პროცენტი; `ბიოფარმი~ - 2,9 პროცენტი; `ბათფარმა~ - 2,5 პროცენტი; `ბიოტექსი~ - 2 პროცენტი; დანარჩენების წილი 0,1 - დან 0,9 პროცენტმადე მერყეობს.

ინფორმაცია ასოციაციას ამის შესახებ `სამედიცინო საქმიანობის რეგულირების სახელმწიფო სააგენტომ~ მიაწოდა.

ამასთან, ფარმაცევტული საქონლის იმპორტით 94 კომპანიაა დაკავებული. 2009 წლის პირველი 6 თვის მონაცემებით, მსხვილ იმპორტიორთა შორის PშP-ს 16,8 პროცენტი უჭირავს; `ავერსს~ - 14,4 პროცენტი; `გლობალ ფარმს~ - 10,7 პროცენტი; GPშ- 9,3 პროცენტი; ABჩ ფარმაციას - 4,6 პროცენტი; დანარჩენთა წილი კი 0,1-დან 3,6 პროცენტამდე მერყეობს.

`ახალგაზრდა ფინანსისტთა და ბიზნესმენთა ასოციაციამ~ ფარმაცევტული ბაზრის კვლევა დაახლოებით ერთი თვის წინ დაიწყო, დღეს კი მხოლოდ პირველადი დაკვირვების შედეგები გამოაქვეყნა.

კვლევის ძირითადი მიმართულებებია ქართული ფარმაცევტული ბაზრის სტრუქტურა; ბაზარზე ახალი პრეპარატების და ახალი დასახელებით პრეპარატების რეგისტრაციის პრაქტიკა; იმპორტირებული და ადგილობრივი წარმოების პრეპარატების ხარისხის შესაბამისობის საკითხი; ფასწარმოქმნის პრაქტიკა ქართულ ფარმაცევტულ ბაზარზე; მედიკამენტების წარმოების ადგილობრივი ბაზარი; ფარმაცევტული კომპანიებისა და სადაზღვევო კომპანიების ურთიერთობის საკითხი და სხვა.