თბილისის მერობის "ნაციონალური მოძრაობის" კანდიდატმა გიგი უგულავამ ძალები მშენებლობაზეც მოსინჯა. ის დღეს დილით დიდ დიღომში მივიდა და ერთ-ერთ მშენებარე კორპუსში რიგით მუშად იმუშავა.
სამშენებლო კომპანიის თამამრომლებმა მერობის კანდიდატის მუშაობა დადებითად შეაფასეს.
შეგახსენებთ, რომ თბილისის მერობის "ნაციონალური მოძრაობის" კანდიდატმა მუშად წუხელ, აეროპორტშიც იმუშავა. ის კიევის რეისის თვითმფრინავს დახვდა და ლაინერიდან მგზავრთა ბარგი გადმოტვირთა.
მმართველი გუნდის მერობის კანდიდატი სხვადასხვა პროფესიებს გუშინ, მთელი დღის განმავლობაში ეუფლებოდა. გიგი უგულავა ჯერ ხაბაზად, დამლაგებლად, ყასაბად, და გამყიდვლად მუშაობდა, მოგვიანებით კი "ავერსის" კლინიკაში მივიდა და წამლების შეფუთვაში მიიღო მონაწილეობა, ასევე სასტუმროში უცხოელი სტუმრები მიიღო.
