თბილისის მერის დავით ნარმანიას განცხადებით, ვერეს ხეობაში ე.წ. "ქართული მანჰეტენის" მშენებლობის შესახებ, პოლიტიკური გადაწყეეტილება მიღებულია. თუმცა ნარმანია პროექტს ჯერ არ იცნობს.
"პოლიტიკური გადაწყეტილება მიღებულია. პროექტს, ჯერჯერობით, არ ვიცნობ, თუმცა ვნახავ პროექტის კონცეფციას და ამასთან დაკავშირებით ვიმსჯელებთ იმ საბჭოზე, რომელიც ჩვენთანაა შექმნილი”, _ განაცხადა ნარმანიამ.
შგახსენებთ, მშენებელთა ასოციაციამ და საქართველოს ბიზნესპალატამ შეიმუშავეს პროექტი, რომელიც ვერეს ხეობაში "ქართული მანჰეტენის" მოწყობას გულისხმობს.საქართველოს ბიზნესპალატის ხელმძღვანელის ემზარ ჯგერენაიას განცხადებით, აღნიშნულ საკითხზე უკვე ესაუბრნენ რამდენიმე მინისტრს და მათგან პასუხს ელიან. მისივე თქმით, "მერიასთან იდეის დონეზე უკვე გვქონდა პრეზენტაცია".
"პროექტის არსი იმაშია, რომ პატარა, ლამაზი მანჰეტენი შევქმნათ თბილისში, თავისი რეკრეაციული ზონით, დამბით, წყლის ნაპირსამაგრი სამუშაოების ჩატარებით. პროექტი "მანჰეტენი" გულისხმობს სარეკრეაციო ზონის აღდგენას, პარკის გაშენებას თავისი სპორტული მოედნებით, სასტუმროებით, ბიზნესცენტრებით და კორპუსების განთავსებას", - განაცხადა ჯგერენაიამ და აღნიშნა, რომ პროექტის განხორციელებას დასჭირდება 1 400 000 000, რის მოძიებასაც, დონორებისა და ინვესტორებისგან შეეცდებიან.
"ბიზნესმენები გამოთქვამენ სერიოზულ მზადყოფნას, რომ ჩაიდოს დიდი ფული ამ პროექტში. ჩვენ უნდა შევცვალოთ შეხედულება. ვერეს ხეობის ადგილი არ არის უბედურება, ეს არის მომავლის ადგილი", - თქვა ჯგერენაიამ.
