ქრისტიან-დემოკრატები აცხადებენ, რომ გიგი უგულავა არჩევნებში დამარცხებისთვის ემზადება და "სხვადასხვა პროფესიას წინასწარ ამიტომ ეუფლება". ამის შესახებ განცხადება სესიაზე ქრისტიან-დემოკრატების წარმომადგენელმა ლევან ვეფხვაძემ გააკეთა.
"საოცარია დილით გიგის ხილვა თონეში. შემდეგ იმის ნახვა როგორ წმენდს ფანჯრებს და ამის შემდეგ როგორ ყიდის ხორცს. მე ყველა პროფესიას პატივს ვცემ, მაგრამ შთაბეჭდილება მრჩება, რომ უგულავა არჩევნების წასაგებად ემზადება და წაგების შემდეგ ამ პროფესიების დაუფლება მოუწევს", - განაცხადა ვეფხვაძემ.
შეგახსენებთ, რომ მმართველი გუნდის მერობის კანდიდატი საარჩევნო კამპანიას დილის 6 საათიდან შეუდგა.
