ჯანმრთელობის და სოციალური დაცვის მინისტრმა დავით სერგეენკომ ჯანდაცვის სფეროს ერთ-ერთი მთავარი გამოწვევა დაასახელა. როგორც მინისტრმა „2030“-ის ეთერში განაცხადა, საჭიროა ქრონიკული დაავადებების მქონე პირების მედიკამენტებთან წვდომის გაზრდის საკითხის გადაჭრა.
„მათთვის, ვისაც ქრონიკული დაავადება აქვთ, და ამ ადამიანების რაოდეობა, სამწუხაროდ, ცოტა არ არის (ვინც მუდმივად და ყოველდღიურად უნდა მიიღოს გარკვეული პრეპარატები), მედიკამენტებთან წვდომის გაზრდა რჩება ერთ-ერთ მთავარ გამოწვევად“, - განაცხადა მინისტრმა.
