განსახლებისა და ლტოლვილთა მინისტრმა სოზარ სუბარმა ხელისუფლების რეაგირება მომხდარ სტიქიაზე შეაფასა, როგორც ეფექტური და სწრაფი. ამის შესახებ მან „2030“–ის ეთერში განაცხადა.
„მთლიანობაში ძალიან ეფექტურად და სწრაფად იმუშავა მთავრობის პრაქტიკულად ყველა რგოლმა“, – განაცხადა მინისტრმა.
ამასთანავე სოზარ სუბარმა დაშვებულ ხარვეზებზეც გაამახვილა ყურადღება.
„როდესაც ასეთი მასშტაბური ტრაგედია ხდება, ძნელია იმოქმედო ხარვეზების გარეშე. განსაკუთრებით მტკივნეული იყო, როდესაც გავიგეთ, რომ თავის დროზე ვერ მივაქციეთ ყურადღება იმას, რომ გარეული ცხოველების გარკვეული ნაწილი შეიძლებოდა თავისუფლებაზე ყოფილიყო, და ამას ,სამწუხაროდ, მოჰყვა ადამიანის მსხვერპლი. ეს ინფორმაცია უფრო მეტად უნდა გადაგვემოწმებინა“, – აღნიშნა მინისტრმა.
