თბილისის მერის მოადგილის ირაკლი ლექვინაძის თქმით, უახლოეს პერიოდში დედაქალაქს ექნება ტრანსპორტის გენერალური გეგმა. როგორც მან „2030“–ის ეთერში განაცხადა, საცობების პრობლემის გადაჭრის საკითხზე თბილისის მთავრობა აქტიურად მუშაობს რამდენიმე მომართულებით: ინფრასტრუქტურულ და ტექნოლოგიურ ნაწილში, საკანონმდებლო ბაზაზე, საზოგადოებრივი ტრანსპორტის და მოძრავი საშუალებების კეთილმოწყობის საკითხზე.
„ამ კუთხით ვმუშაობთ იგივე უცხოელ ექსპერტებთან და საერთაშორისო ორგანიზაციებთან. მე ვფიქრობ, უახლოეს პერიოდში ჩვენ გვექნება ტრანსპორტის გენერალური გეგმა, რომელიც მთლიანად დაალაგებს ამ ტიპის მიმართულებებს“, – განაცხადა მერის მოადგილემ.
