,,ქართული ოცნება” მთის რეგიონების განვითარების სახელმწიფო მინისტრის პოსტის შემოღებას ითხოვს. ეს საკითხი უმრავლესობის წევრებმა დღეს ჯანდაცვის კომიტეტში გამართულ სხდომაზე დააყენეს, სადაც დეპუტატებმა პირველი მოსმენით იმსჯელეს მაღალმთიანი რეგიონების განვითარების შესახებ კანონპროექტზე.
საპარლამენტო უნრავლესობის წევრის გია ჟორჟოლიანის განცხადებით, უნდა მოიძებნოს ფორმულირება, რომ მთავრობა მთის მინისტრის პოსტის შექმნას განახორციელებს.
"უმრავლესობის განწყობაა, რომ მთავრობის შესახებ კანონში ასეთი ინიციატივა აუცილებლად იქნება შეტანილი" - აღნიშნა დეპუტატმა და საარჩევნო ოლქების შეცვლასთან დაკავშირებულ თემაზე გაამახვილა ყურადღება.
შეგახსენებთ, დღეს განხილული მაღალმთიანი რეგიონების განვითარების შესახებ კანონპროექტიმთის ეროვნული საბჭოს შექმნას გულისხმობს, რომელსაც პრემიერ მინისტრი უხელმძღვანელებს და მთის პრობლემებთან დაკავშირებით გადაწყვეტილებების მიმღები ორგანო სწორედ ეს საბჭო იქნება.
