მსოფლიო ბანკისა და პოლონეთის რესპუბლიკის საგარეო საქმეთა სამინისტროს ინიციატივით, საქართველოს ფინანსთა სამინისტროსა და ეკონომიკისა და მდგრადი განვითარების სამინისტროს თანთანამშრომლობით, დღეს თბილისში ცოდნისა და გამოცდილების გაზიარების ორდღიანი სემინარი დაიწყო. ღონისძიება პოლონეთსა და სომხეთს, აზერბაიჯანს, ბელარუსს, საქართველოს, მოლდოვასა და უკრაინას შორის არსებული პროექტის -პოლონეთი - გლობალური განვითარების პარტნიორი -პოლონეთი - გლობალური განვითარების პარტნიორი- ფარგლებში მიმდინარეობს.
ღონისძიების მთავარი მიზანია გამოცდილების გაცვლა პოლონეთის მაღალი დონის ტექნიკური გადაწყვეტილების მიმღებ პირებს და აღმოსავლეთის პარტნიორობის ქვეყნების წარმომადგენლებს შორის.
როგორც მსოფლიო ბანკის მიერ გავრცელებულ ინფორმაციაშია აღნიშნული, კონკრეტულ საკითხებზე გამოცდილების გაზიარების გარდა, მოსალოდნელია, რომ ღონისძიება ხელს შეუწყობს აღნიშნული ქვეყნების ექსპერტებსა და გადაწყვეტილების მიმღებ პირებს შორის კონტაქტების მეტად გამყარებას. ეს პროცესი კიდევ უფრო წაახალისებს მიმდინარე ორმხრივ ძალისხმევას: აქცენტის გაკეთებას ეკონომიკური რეფორმის საკითხებზე, კერძოდ, ადგილობრივი ინსტიტუტების გაძლიერებისთვის უკეთესი საჯარო მომსახურების გაწევის და მაკროეკონომიკური და ფინანსური სტაბილურობის თვალსაზრისით; და დამოუკიდებელი პლატფორმის შექმნას გამოცდილების გაზიარებისთვის.
“დღეს აქ შევიკრიბეთ არა მარტო ბოლო 25 წლიანი პოლონეთის გარდამავალი პერიოდის განმავლობაში დაგროვილი მიღწევების შესახებ სასაუბროდ, არამედ სამომავლო ღონისძიებების განსახილველად. პოლონეთი, სავარაუდოდ, სულ უფრო მზარდ როლს შეასრულებს გლობალური განვითარების სცენაზე, საერთაშორისო და ევროკავშირის ფარგლებში მიმდინარე დებატებზე გავლენის მოხდენით, ეკონომიკის გარდაქმნის საკუთარი წარმატებული გამოცდილების გაზიარებით და გლობალური განვითარების ძალისხმევის მხარდაჭერით. დღევანდელი სემინარის მთავარი თემა - დეცენტრალიზაცია იყო, რომელიც პოლონეთის წარმატების ძირითადი ქვაკუთხედია და ის ახლა აღმოსავლეთის პარტნიორობის ქვეყნების რეფორმების დღის წესრიგში დგას“, განაცხადა საქართველოში პოლონეთის რესპუბლიკის ელჩმა, ანჟეი ჩიეშკოვსკიმ.
„უკანასკნელი წლების განმავლობაში მსოფლიო ბანკმა გააძლიერა თანამშრომლობა ქვეყნებს შორის ერთმანეთის მაგალითზე სწავლის ფორმატით. დღევანდელი ღონისძიება მიზნად ისახავს პოლონეთის მაგალითზე ეკონომიკის გარდაქმნის გამოცდილების გაზიარებას აღმოსავლეთის პარტნიორობის დანარჩენი ქვეყნებისთვის. ის სხვა ქვეყნებსაც აძლევს კონკრეტული რეფორმების განხორციელებაში საკუთარი გამოცდილების გაზიარების შესაძლებლობას“, აღნიშნა სამხრეთ კავკასიაში მსოფლიო ბანკის რეგიონულმა დირექტორმა, ჰენრი კერალიმ.
“ეს ღონისძიება ცოდნის გადაცემის და ქვეყნებს შორის კონტაქტების დამყარების მიმართულებით დაგეგმილი სერიის ნაწილია. სხვადასხვა მხარეების და ყველა თქვენგანისთვის, ალბათ, საინტერესოა, რომ მსოფლიო ბანკი მზადაა დღეს წარმოდგენილი აღმოსავლეთის პარტიორობის ქვეყნების და შესაძლოა სხვა ქვეყნების ჯგუფშიც ერთმანეთისგან სწავლის მდგრადი პროცესის განვითარებას ამ სემინარის შემდეგაც ადევნოს თვალი“,აღნიშნა პოლონეთსა და ბალტიისპირეთის ქვეყნებში მსოფლიო ბანკის წარმომადგენელმა, მარინა უესმა.
ამ რიგით მეორე თემატური სესიების მიზანია ძირითადი ეკონომიკური და პოლიტიკური რეფორმების შესახებ გულწრფელი, შემოქმედებითი და ინტერაქტიული დისკუსიების ჩარჩოს უზრუნველყოფა მოწვეული ქვეყნების მაღალი დონის პოლიტიკის შემმუშავებლებს, გამოჩენილ პოლონელ ექსპერტებს და პრაქტიკოსებს შორის.
მსოფლიო ბანკი მზადაა ამ სემინარის შემდეგაც ადევნოს თვალი დღეს წარმოდგენილი აღმოსავლეთის პარტნიორობის ქვეყნების, და მომავალში შესაძლოა, მსოფლიოს სხვა ქვეყნების, ერთმანეთისგან გამოცდილების და ცოდნის გაზიარების პროცესს.
