ვიცე–პრემიერის კახი კალაძის თქმით, სამშენებლო ნებართვა არ გაიცემა, თუ პროექტზე არ არსებობს გეოლოგიური კვლევები და გარემოზე ზემოქმედების შეფასება. ამის შესახებ მან „პირველი სტუდიის“ ეთერში განაცხადა.
„როცა ჩვენ ხელისუფლებაში მოვედით, დავიწყეთ მუშაობა იმაზე, რომ გაგვემარტივებინა რეგულაციები და ასევე მაქსიმალურად დაცულიყო გარემოზე ზემოქმედების დოკუმენტაციის დროს შეფასებები. წარმოუდგენელი იქნება და ვერ მოხერხდება სამშენებლო ნებართვის გაცემა, თუ კონკრეტულ პროექტზე არ არსებობს კონკრეტული დასკვნა, გეოლოგიური კვლევები, გარემოზე ზემოქმედების შეფასება. წარმოდგენილი დოკუმენტაცია გადაეგზავნება გარემოს დაცვის სამინისტროს, სადაც მოხდება განხილვები. ამის შემდეგ მოხდება მშენებლობაზე თანხმობის გაცემა. ყველა პროექტი, რომელიც დაწყებულია, არის განხორციელებული ამ სტილში“, – განაცხადა ვიცე–პრემიერმა.
