უსაფრთხოებისა და კრიზისების მართვის საბჭოს მდივანმა მინდია ჯანელიძემ გადაცემა «პირველი სტუდია»–ში განაცხადა, რომ «ყველა იმ სამსახურებმა, რომელბიც ჩართულები არიან ამ კრიზისის ლიკვიდაციაში, გმირობა გამოიჩინეს».
«24–საათიან რეჟიმში მიმდინარეობს მუშაობა. აქტიურად მიმდინარეობს დასუფთავების სამუშაოები. სთიქიის მასშტაბი იყო უპრეცედენტო – ასეთი რამ თბილისს არ ახსოვს ათწლეულობის განმავლობაში. შესაბამისად ამ სტიქიამ უპრეცედენტო რეაგირებაც მოითხოვა. ხარვეზები, რა თქმა უნდა, იქნებოდა, როცა ამ მასშტაბის სამუშაოები ტარდება. ჩვენ ამ ხარვეზებს აუცილებლად გავაანალიზებთ. ჩვენ მუდმივად კომუნიკაციაში ვართ ჩვენს უცხოელ პარტნიორებთნ, ვიღებთ გამოცდილებას. ჩვენ ვხვეწავთ საბჭოს მუშაობას, როგორც ტექნოლოგიურად, ასევე ინფრასტრუქტურულად. საქართველოს მალე ექნება ეროვნული სიტუაციური ოთახი, რომელიც გაცილებით უფრო გაადვილებს სტიქიის დროს სხვადასხვა უწყებების კოორდინაციას», – განაცხადა ჯანელიძემ.
კრიზისების მართვის საბჭოს მდივანმა ასევე გორში არსებულ სიტუაციაზე ისაუბრა. მისი თქმით, იქ სტაბილური მდგომარეობაა და მოსახლეობას საფრთხე არ ემუქრება.
«იქ იყო წყალდიდობა, დაიტბორა რამდენიმე სახლის სარდაფი. შესაბამისი სამსახურები ადგილზე მობილიზებული არის და დახმარებას გაუწევენ მოსახლეობას»,– განაცხადა ჯანელიძემ.
