მინდია ჯანელიძე:ვეყრდნობოდით ზოოპარკის ადმინისტრაციის ინფორმაციას, რომ ყველა მტაცებელი ან დაღუპულია, ან ვოლიერშია
სახელმწიფო უსაფრთხოებისა და კრიზისების მართვის საბჭოს მდივნი მინდია ჯანელიძე გუშინ მის მიერ გაკეთებულ განცხადებაზე განმარტებას აკეთებს და აღნიშნავს, რომ შსს და სხვა უწყებები ეყრდნობოდნენ ზოოპარკის ადმინისტრაციის მიერ მიწოდებულ ინფორმაციას.
"შსს, სხვა უწყებები ვეყრდნობოდით ზოოპარკის ადმინისტრაციის ინფორმაციას, რომ ყველა მტაცებელი ან დაღუპულია, ან ვოლიერშია, თუმცა ახლა აღმოჩნდა, რომ ერთი მტაცებელი ცხოველი არის მიმდებარე ტერიტორიაზე", - განაცხადა ჯანელიძემ.
სახელმწიფო უსაფრთხოებისა და კრიზისების მართვის საბჭოს ხელმძღვანელმა მინდია ჯანელიძემ გუშინ განცხადა, რომ მოსახლეობას მტაცებელი ცხოველების მხრიდან საფრთხე არ ემუქრება.
ჯანელიძის განცხადებით, ყველა ცხოველი, რომელიც დაიკარგა ზოოპარკის ტერიტორიიდან, ან დაბრუნებულია ზოოპარკის ვოლიერებში, ან არის ნაპოვნი დამხრჩვალი, ან ლიკვიდირებული.
