თბილისში მომხდარი სტიქიის შედეგების სალიკვიდაციოდ და დაზარალებული მოსახლეობის დასახმარებლად პოლიტიკურ პარტია "ქართული ოცნება - დემოკრატიული საქართველოს" ცენტრალურ ოფისში საგანგებო შტაბი მუშაობს.
პარტიის ოფიცში აცხადებენ, რომ "ქართული ოცნების" წევრები და ახალგაზრდული ფრთის წარმომადგენლები მთელი ღამის განმავლობაში სტიქიის ადგილზე იმყოფებოდნენ და ამ დრომდე მონაწილეობენ სალიკვიდაციო სამუშაოებში.
სტიქიის შედეგების სალიკვიდაციოდ შექმნილ საგანგებო შტაბთან და დედაქალაქის მერიასთან კოორდინაციით, დახმარების მსურველთა დამატებითი მობილიზაცია საჭიროების მიხედვით, საზოგადოებრივ მაუწყებელთან მოხდება, საიდანაც ისინი სხვადასხვა ტერიტორიაზე გადანაწილდებიან.
უსახლკაროდ დარჩენილებისთვის დახმარების გაწევის მსურველებს შეუძლიათ ჰუმანიტარული დახმარება დედაქალაქის რაიონულ გამგეობებში მიიტანონ, რაც შემდეგ საჭიროების მიხედვით გადანაწილდება.
