გიგი უგულავამ ყველა დაწყებული საქმე ბოლომდე უნდა მიიყვანოს. ამის შესახებ პარლამენტის თავმჯდომარემ დავით ბაქრაძემ განაცხადა.
მისი თქმით, თბილისი უკეთესი ქალაქია, ვიდრე 5 წლის წინ იყო, უფრო მოვლივლი, მოწესრიგებული, უფრო მშვიდი და უსაფრთხო.
~ეს ყველაფერი გიგი უგულავას მერობის პერიოდში მოხდა. სწორედ ამიტომ, მმართველმა გუნდმა და ~ნაციონალურმა მოძრაობამ~ მისი კანდიდატურის წამოყენება გადაწყვიტა, რომ მან შეძლოს ბოლომდე მიიყვანოს ყველა დაწყებული საქმე~, - განაცხადა ბაქრაძემ.
მისი თქმით, თბილისს მეტი სამუშაო ადგილი, მეტი განვითარება და სტაბილურობა სჭირდება.
~დარწმუნებული ვართ, რომ გიგი უგულავა ის პიროვნება და პოლიტიკოსია, ვინც ამ ყველაფრის გაკეთებას შეძლებს~, - განაცხადა პარლამენტის თავმჯდომარემ.
მმართველმა გუნდმა გიგი უგულავა თბილისის მერობის კანდიდატად ოფიციალურად დღეს დაასახელა.
