"თუ წინასაარჩევნო კამპანიის ფარგლებში რეგიონებში გამგებლები ადმინისტრაციული რესურსებს გამოიყენებენ, პირობას ვდებთ, რომ აღნიშნულზე ადეკვატურ რეაგირება მოხდება", - ამის შესახებ საპარლამენტო უმრავლესობის ერთ-ერთმა ლიდერმა დღეს პარლამენტში, ინტერფრაქციული ჯგუფის სხდომაზე მას შემდეგ გაკეთდა, რაც აღნიშნული საკითხი საიას ხელმძღვანელმა თამარ ხიდაშელმა დააყენა.
მისი თქმით, პარალმენტში ინტერფრაქციული ჯგუფი სწორედ წინასაარჩევნო პროცესის მონიტორინგისათვის არის შექმნილი.
როგორც დღეს ინტერფრაქციული ჯგუფის სხდომაზე თამარ ხიდაშელმა აღნიშნა, კახეთში 8 გამგებელი შვებულებაშია გასული, რომელთაგან სამი მაჟორიტარად კენჭისყრას გეგმავს, თუმცა შვებულებაში გასვლის მიუხედავად ისინი საკუთარ კაბინეტებში თათბირებს და შეხვედრებს მართავენ. ასევე სამსახურეობრივ რესურსს, მათ შორის სამსახურის მანქანების და კაბინეტების ჩათვლით უკანონოდ იყენებენ.
საიას ხელმღვანელის თქმით, დუშეთის გამგებელი ზურაბ ოტიაშვილი, რომელიც თანამდებობიდან 14 აპრილიდან გათავისუფლებულია და ლარსის სასაზღვრო გამშვებ პუნქტზეა გადაყვანილი, თუმცა ხიდაშელის თქმით, იგი დღემდე დადის საკუთარ კაბინეტში და შეხვედრებს მართავს.
აღსანიშნავია, რომ ამ ფაქტებს საპარლამენტო უმრავლესობის წარმომადგენელი პავლე კუბლაშვილი სიგიჟედ აფასებს და აცხადებს, რომ "თუკი ეს მართლა ასეა ეს მისი მხრიდან თვით ინიციატივა იქნება და მინდა გითხრათ, რომ ეს სრული სიგიჟეა, თუმცა ფაქტების დადასტურების შემთხვევაში რეაგირება აუცილებლად მოხდება".
