კონტროლის პალატის ყოფილი ხელმძღვანელი სულხან მოლაშვილი პატიმრობის აუტანელ პირობებს იხსენებს. როგორც მან გადაცემა „2030“-ში აღნიშნა, საკანში მისი მონახულების შემდეგ მონიტორინგის ჯგუფის წევრი ფილიპ დიმიტროვი [ევროკავშირის ყოფილი ელჩი საქართველოში - რედ.] შეუძლოდ გახდა.
„სამონიტორინგო ჯგუფიდან მათიას იორშმა, დიმიტროვმა და სხვემბა ქართულ არასამთავროებებთან ერთად მოინახულეს ჩემი საკანი. როდესაც გამოვიდნენ, დიმიტროვი იქვე გახდა ცუდად და სასწრაფოთი წაიყვანეს. ხოლო საკნიდან გამოსვლისთანავე მათიას იორში აძლევს ასეთ ინტერვიუს: „ასე ღორებს არ ექცევიან!“ - იხსენებს მოლაშვილი.
ამასთანავე კონტროლის პალატის ყოფილმა ხელმძღვანელმა აღნიშნა, რომ მისი გადაყვანა „ჩვეულებრივი საპატიმრო პირობებიდან საწამებელ პირობებში“ მიხეილ სააკაშვილის მითითებით მოხდა.
