საქართველოში რეალიზებული საავტომობილო ზეთების ხარისხის მხრივ ბაზარზე დიდი პრობლემაა. ამის შესახებ "ჯი-ეიჩ-ენს" საქართველოს სერტიფიცირებისა და მონიტორინგის ორგანოს ხელმძღვანელმა ვახტანგ იობაშვილმა განუცხადა.
მისი თქმით, ქვეყანაში რეალიზებული ბენზინისა და დიზელის საწავის ხარისხის მონიტორინგი ნებაყოფლობით ხორციელდება, თუმცა, საკმაოდ დიდი პრობლემაა ზეთების სექტორში, რაც აღნიშნული პროდუქტის ფალსიფიცირებას უკავშირდება.
როგორც იობაშვილი განმარტავს, საკმაოდ ხშირია შემთხვევა, როცა ქვეყანაში ცნობილი ბრენდების ჭურჭელსა და შეფუთვაში გაურკვეველი წარმოშობის ზეთები იყიდება. ამდენად, საჭიროა მისი შემოწმებაც.
`ჩვენ ტექნიკურად გვაქვს შესაძლებლობა ყველა სახის ნავთობპროდუქტი შევამოწმოთ. გარდა ბენზინის, დიზელისა და ზეთისა, შესაძლებელია მაზუთის შემოწმებაც. ყველა სახის პროდუქტის ექსპერტი გვყავს და კარგ ლაბორატორიებთანაც გვაქვს ხელშეკრულება გაფორმებული~, - განაცხადა იობაშვილმა.
ამასთან, მისი თქმით, სერტიფიცირებისა და მონიტორიგის ორგანოს ხელშეკრულება გზების დეპარტამენტის კლვევით ინსტიტუტთანაც აქვს გაფორმებული, რომელიც საგზაო ბითუმის ექსპორტს ახორციელებს.
~საგზაო ბითუმი ის პროდუქცია, რომელშიც შეუმოწმებლად მილიონების დახარჯვა არ შეიძლება. აუცილებელია შემოწმდეს რა კატეგორიისა და ხარისხისაა ბითუმი, რადგან ხშირია როცა ასფალტს დაიგება, მალევე კი, წვიმის შემდეგ იგი იშლება~, - განაცხადა იობაშვილმა.
