ნატოს სპეციალური წარმომადგენელი სამხრეთ კავკასიასა და ცენტრალურ აზიაში ჯეიმს აპატურაი ადასტურებს, რომ წელს საქართველოს ალიანსის გენერალური მდივანი იენს სტოლტენბერგი ეწვევა. სახალხო დამცველთან უჩა ნანუაშვილთან ბრიუსელში შერხვედრის შემდეგ, აპატურაიმ ჟურნალისტებთან განაცხადა, რომ ვიზიტის ზუსტი თარიღი მოკლე ვადაში გახდება ცნობილი.
მისი თქმით, ალიანსი მუშაობს იმაზე, რომ ქართულ მხარეს მიაწოდოს საბოლოო პასუხი საწვრთნელი ცენტრის ადგილმდებარეობის თაობაზე.
,,ეს არის ერთობლივი ცენტრი, ამიტომ ზუსტად უნდა ვიცოდეთ რა მიზანს მოემსახურება და რისი გაკეთება იქნება საჭირო. ამის შემდეგ დავიწყებთ გეგმის განხორციელებას," - განაცახდა აპატურაიმ.
მან ასევე შეაფასა საქართველოს თავდაცვის მინისტრის თინა ხიდაშელის შეხვედრა ნატოს გენერალურ მდივანთან და აღნიშნა, რომ მას აქვს მკაფიო და მკაცრი პოზიცია საკუთარი ქვეყნის ინტერესების დასაცავდ, რაც ძალიან კარგია.
