30 აპრილიდან ამერიკის შეერთებული შტატების საკონსულოში სავიზო პროცედურები იცვლება.
როგორც "ჯი-ეიჩ-ენს" საქართველოში აშშ-ს საელჩოდან აცნობეს, დღეს არსებულ სამ სააპლიკაციო ანკეტას ერთი ანკეტა, DS 160 ჩაანაცვლებს. აშშ-ის ვიზის მსურველთა რეგისტრაცია იწარმოებს მხოლოდ ონლაინ-რეჟიმში.
ამ ცვლილებასთან დაკავშირებით, აშშ-ის საკონსულო 16:30 საათზე ატარებს ახალი სავიზო პროცედურების პრეზენტაციას ამერიკულ აკადემიაში.
პრეზენტაცია განკუთვნილია ფართო საზოგადოებისათვის. პრეზენტაციას წარმართავს აშშ-ის კონსული პატრიკ ვინგეიტი. კონსული უპასუხებს შეკითხვებს. დასწრება თავისუფალია.
მის.: ილია ჭავჭავაძის გამზირი #37
