სოფელ ველისციხეში ღამემ მშვიდობიანად ჩაიარა. მოსახლეობამ ღამე საკუთარ სახლებში გაატარა.
ველისციხის საგანგებო შტაბში დღის განმავლობაში გასახორციელებელ ღონისძიებებზე თათბრი მიმდინარეობს. ადგილზე კვლავ მობილიზებულია სამშველო, სასწარაფო და სახანძრო სამსახურების ბრიგადები.
მიუხედავად ჩატარებული სამუშაებისა, რომლის შედეგად წყლის დონემ ჭერემის წყალსაცავზე ერთი მეტრით იკლო, სოფლის დატბორვის საფრთხე მოხსნილი ჯერ ისევ არ არის.
ჭერემის წყალსაცავის სათადარიგო მილის აფეთქება, რომელიც ამოვსებულია, სპეციალისტებმა გუშინ ოთხჯერ სცადეს, თუმცა უშედეგოდ. წყალსაცავზე ამ დროისთვის ერთი წყლის სატუმბი მუშაობს და რამდედნიმე საათში მეორეც ამოქმედდება.
შტაბში გუშინ გვიან ღამით გამართულ ოპერატიულ თათბირზე წყალსაცავიდან წყლის გადმოსვლის შემთხვევაში მოქმედების გეგმა შეიმუშავეს. გეგმა 9 პუქნტიანია და იგი მოსახლეობის დაუყოვნებილ ევაკუაციას, სამშველო ღონისძიებების გაგარძელებას, მოსახლეობის ორგანიზებულ გადაადგილებას და სხვა საჭირო მოქმედებებს ითვალისწნებს.
მდგომარეობის გართულების შემთხვევაში, დაიკეტება ცენტრალური ავტომასგისტრალი და კახეთის გზატკეცილი, შესაძლოა, დროებით შეწყდეს ელექტროენერგიის და გაზის მიწოდება, თუმცა, მოსახლეობა საკვებით უზურუნველყოფილი იქნება. საგანგებო რეჟიმში იმუშავებს კახეთის საავადმყოფოები.
