"საქართველომ, რომელიც თავს მიიჩნევს ვაშინგტონისა და მოსკოვის დაახლოების მსხვერპლად, პოლონეთის პრეზიდენტის დაღუპვით მნიშვნელოვანი მოკავშირე დაკარგა", - წერს სტატიის ავტორი.

ბარაკ ობამამ, ანგელა მერკელმა და ნიკოლა სარკოზიმ უარი განაცხადეს პოლონეთის პრეზიდენტის ლეხ კაჩინსკის დაკრძალვსის ცერემონიაში მონაწილეობაზე, რისი მიზეზიც ევროპაში უსაფთხოების საკითხი იყო (ისლანდიაში ამოფრქვეული ვულკანი რედ.), ნათქვამია სტატიაში.

გამოცემა აღნიშნავს, რომ ამ ფონზე მედიამ ყურადღება მიაქცია საქართველოს პრეზიდენტს, რომელმაც მართლაც მოახდინა ლეხ კაჩინსკისთან მეგობრობის დემონსტრირება.

"კრაკოვში ჩასასვლელად მას დიდი გზის გავლამ მოუწია", _ აღნიშნავს გამოცემა და აღწერს მიხეილ სააკაშვილის მიერ პოლონეთში ჩასვლის მარშრუტს.

სტატიის ავტორი ყურადღებას ამახვილებს იმ გარემოებაზე, რომ სააკაშვილს რომში გზის გაგრძელებაზე უარი უთხრეს, თუმცა პრეზიდენტმა ვითარებიდან გამოსავალი იპოვა და კრაკოვში მაინც ჩავიდა.

"პოლონეთში დაუყონებლოვ გაჩნდა მადლიერების (მიხეილ სააკაშვილისადმი რედ.) პეტიცია, რომელმაც 15 ათასზე მეტი ხელმომწერი შეაგროვა", - აღნიშნავს Le Monde.

გამოცემა მიუთითებს, რომ ლეხ კაჩინსკის არაერთხელ გამოუხატავს საქართველოსადმი მხარდაჭერა და დასტურად ბუქარესტის სამიტი და 2008 წლის აგვისტო მოჰყავს.

"2008 წლის ბუქარესტის სამიტისას ის (ლეხ კაჩინსკი. რედ.) დაჟინებით მოითხოვდა საქართველოსა და უკრაინის გაწევრიანებას ალიანსში, დათქმულ ვადებში _ ყოველგვარი შეფერხების გარეშე. თბილისსა და მოსკოვს შორის 2008 წლის ომისას კი იგი დაუყონებლივ გაემგზავრა მიხეილ სააკაშვილის მხარდასაჭერად", _ ნათქვამია სტატიაში და იქვე აღნიშნულია, რომ საქართველოს ინტერესების დაცვისთვის, პოლონეთის პრეზიდენტს გარდაცვალების შემდეგ საქართველოს ეროვნული გმირის წიდება მიენიჭა.