ხვალ, 25 აპრილს, შიდა ქართლის გუბერნატორის ლადო ვარძელაშვილის ინიციატივით "ავერსის კლინიკა" გორის რაიონის სოფელ ტყვიავში მოსახლეობის უფასო სამედიცინო გამოკვლევებს ჩაატარებს.
კლინიკის თერაპევტი, კარდიოლოგი, ოფთალმოლოგი, ნევროლოგი, პედიატრი,სტომატოლოგი და ექოსკოპისტი სოფლების – ტყვიავის, ტირძნისის, ერგნეთის, ბროწლეთის, თერგვისის და მეღვრეკისის მოსახლეობის გადასინჯვებს მოახდენენ.
კლინიკის კვალიფიციური სპეციალისტები ულტრა თანამერდოვე აპარატურით მოსახლეობას ოფთალმოლოგიურ და ექოსკოპიურ დიაგნოსტირებას ჩაუტარებენ და 7 000 ლარის ღირებულების მედიკამენტებს უფასოდ გადასცემენ.
მსგავსი აქცია კლინიკის ექიმებს დაგეგმილი აქვთ გორის და ქარელის რაიონის სხვა სოფლებშიც.
მასალის გამოყენების პირობები
