საქართველოს პრემიერ-მინისტრის ირაკლი ღარიბაშვილის განცხადებით, სახელმწიფო და თითოეული მოქალაქე ვალდებულია, რომ ბავშვებს უკეთესი მომავალი მისცეს. ამის შესახებ ღარიბაშვილმა რესტორან „ოტიუმში“ განაცხადა, სადაც ბავშვთა დაცვის საერთაშორისო დღესთან დაკავშირებით, "სოლიდარობის ფონდის" მიერ დაფინანსებულ ბავშვებს უმასპინძლა.
,,ძალიან ლამაზი დღეა და მინდა ჩვენს ბავშვებს ვუსურვო პირველ რიგში მშვიდობა, ჯანმრთელობა და ბედნიერი მომავალი. ჩვენ, სახელმწიფო, თითოეული მოქალაქე ვართ ვალდებული, რომ ჩვენს შვილებს მივცეთ უკეთესი მომავალი,“ - განაცხადა ღარიბაშვილმა და მადლობა გადაუხადა ,,სოლიდარობის ფონდში” მონაწილეებს.
,,ყველას მინდა მადლობა გადავუხადო, ვინც “სოლიდარობის ფონდში“ მიიღო მონაწილეობა. სამ მილიონ ლარზე მეტი იქნა შეგროვილი და 112 ბავშვის დაფინანსება მოვახერხეთ. მადლობა ღმერთს, ყველა იქნება ძალიან კარგად“, - განაცხადა პრემიერ-მინისტრმა და დასძინა, რომ სიკეთე გადამდებია.
