ველისციხის დატბორვის საფრთხე ჯერ არ მოხსნილა. ამის შესახებ რეგიონალური მართვისა და ინფასტრუქტურის განვითარების მინისტრმა დავით ტყეშელაშვილმა განაცხადა.
"ადგილზე მობილიზებულია საგანგებო სიტუაციების სამსახურისა და სხვა დანაყოფები, ასევე მთელი ღამის განმავლობაში შინაგან საქმეთა სამინისტროს ბრიგადების მიერ სამაშველო სამუშაოები მიმდინარეობდა, როგორც ველისციხეში, ასევე უშუალოდ ჭერემის ხევის ტერიტორიაზე", - აცხადებს დავით ტყეშელაშვილი
ტყეშელაშვილის განცხადებით, ჭერემის წყალსაცავთან მობილიზებულია ტექნიკა და მიმდინარეობს სამუშაოები, რათა წყალსაცავიდან წყლის ამოტუმბვა მოხდეს.
როგორც რეგიონალური მართვის მინისტრმა აღნიშნა, გუშინ ღამით ხელახლა ველისციხიდან დაახლოებით 600 ოჯახის ევაკუირება მოხდა, დღეს კი მოსახლეობის ნაწილი სახლებს დაუბრუნდა, თუმცა, ვითარების გაურესების შემთხვევაში, შესაბამისი ზომები კვალვ იქნება მიღებული.
ამასთან, მისი თქმით, მცხეტა -მთიანეთის რეგიონში, მლეთაში წუხელ ჩამოწილილი მეწყერი არაგვის კალაპოტის შევიწროების საფრთხეს ქმნის. შემთხვევის ადგილზე ამ დროისთვის სპეციალისტები მუშაობენ.
