დღეს ქვეყნის მასშტაბით ნალექიანი ამინდია მოსალოდნელი. სინოპტიკოსები წვიმას როგორც დასავლეთ, ისე აღმოსავლეთ საქართველოში პროგნოზირებენ. ჰაერის მაქსიმალური ტემპერატურა დასავლეთში 28 გრადუსამდე გათბება, ხოლო აღმოსავლეთში 27-დან 31 გრადუსამდე იმერყევებს. სინოპტიკოსები ასევე სეტყვას ვარაუდობენ. რაც შეეხება დედაქალაქს, თბილისში დღის მეორე ნახევარში წვიმა და ელჭექია ნავარაუდები. ჰაერის ტემპერატურა 31 გრადუსი იქნება. არამდგრადი ამინდები საქართველოს მასშტაბით მომდევნო დღეებშიც შენარჩუნდება.
