გადაუღებელი წვიმის შედეგად ადიდებულმა მდინარეებმა კასპის რაიონის რამდენიმე სოფელში მოსახლეობის კუთვნილი სასოფლო-სამეურნეო ფართობები და ეზოები დატბორა. სოფელ ქვემო ჭალისა და სამთავისის გამყოფი ხევი კალაპოტიდან გადმოვიდა და დატბორა სოფელი სამთავისი და ბოჟამი.
როგორც "ჯი-ეიჩ-ენს" კასპის მუნიციპალიტეტიდან აცნობეს, სოფლებში დატბორილია 30 მოსახლის ეზო, საკარმიდამო ნაკვეთები, და 40 ჰექტარი ქერის და ხორბლის სახნავ სათესი ფართობები. წყალი რამდენიმე ოჯახის სარდაფშიც ჩავიდა.
ადიდებულმა მდინარე ლეხურამ სოფელ სამთავისში საკარმიდამო მიწის ნაკვეთები და ხილის ბაღები. საშიშროება ექმნება მაღალი ძაბვის ელექტრო-გადამცემი სადენების საყრდენ ბოძებსაც.
ასევე დაიტბორა სოფელ ლამისყანის მოსახლეობის 30 ჰექტრამდე სახნავ-სათესი ფართობი, რომელიც სოფელ ხვითზე ჩამომავალმა ე.წ.`ბენისები~-ს ხევის გამოვარდნამ გამოიწვია.
სამივე სოფელში სულ დაიტბორა 70 ჰექტრამდე სახნავ სათესი ფართობი.
როგორც კასპის მუნიციპალიტეტის გამგებელმა კახაბერ ხაჩირაშვილმა განაცხადა, სტიქიის შეჩერების და დამატებითი ზარალის თავიდან აცილების მიზნით, უკვე დაწყებულია პრევენციული ზომების მიღება. სტიქიის ზონაში უკვე მუშაობს ტექნიკა, რომელიც წყალს უცვლის მიმართულებას.
